Bialanna

Biachlár Dátheangach Lohans, Br. na Trá, Gaillimh

Comhairle do Bhialanna

Oibríonn Gaillimh le Gaeilge go seasta le hóstáin agus bialanna ar bhonn leanúnach mar chuid den togra Gaeilge Á La Carte. Tá na hóstáin agus na bialanna go bhfuil biachlár dátheangach ar fáil liostáilte anseo.

Eagraíonn Gaillimh le Gaeilge a gcuid lónta gnó rialta in Óstáin agus Bialanna a chuireann Biachláir dhátheangach ar fáil. Freastlaíonn suas le 30 duine ar an lón gnó. Tugann an ócáid neamhfhoirmeálta seo, deis duit do chuid Gaeilge a úsáid nó a chleachtadh, agus cairde & teagmhálaithe gnó a dhéanamh!

Más mian leat páirt a ghlacadh sa togra seo déan teagmháil linn inniu ag eolas@gleg.ie.

Is deis iontach é an biachlár i do bhialann nó caifé, do ghnó a dhéanamh dhátheangach. Is cuma an roghnaíonn tú na cinnlínte nó an biachlár uilig a dhéanamh dhátheangach, is bealach iontach é an biachlár dátheangach le samhlaíocht do chuid custaiméirí a shásamh, agus cuireann sé go mór lena n-am i do ghnó.

Biachlár dátheangach, cén fáth?

Molann Gaillimh le Gaeilge go mbeidh do  bhiachlár dátheangach nó roinnt Gaeilge le feiceáil air, in ionad biachlár Gaeilge a

OLYMPUS DIGITAL CAMERA

Comharthaíocht Dátheangach ag Péarla na Mara

bheith ar fáil d’éinne a iarrann é. Téann custaiméir isteach i mbialann ag lorg bia, agus de ghnáth ní ócáid teangeolaíochta atá uathu! Mar sin, tá éifeacht i bhfad níos mó leis má tá Gaeilge le feiceáil ar an mbiachlár, taobh le taobh leis an mBéarla, ionas gur féidir le Gaeilgeoirí agus Béarlóirí leas a bhaint as an aitheantas atá á thabhairt don Ghaeilge agus an difear a dhéanann sé don bhialann.

Conas?

Tá roinnt bealaí éagsúla leis an nGaeilge a chur ar do bhiachlár, agus ar ndóigh braitheann méid an dátheangachais ar spás agus acmhainní. Ní mholann Gaillimh le Gaeilge do bhialanna biachlár éagsúil Gaeilge a bheith acu dá gcuid custaiméirí le Gaeilge – de ghnáth téann Gaeilgeoirí (ar nós gach éinne eile) isteach i mbialann ag lorg bia, ní ag lorg biachlár Gaeilge! Mar sin, tá sé níos fearr biachlár amháin a bheith agat le Gaeilge agus Béarla air.

Braitheann an méid Gaeilge a úsáidtear ar ghnéithe éagsúla, go hiondúil spás. Ní mholann Gaillimh le Gaeilge an Ghaeilge aGALC web fháisciú isteach i spás beag  díreach le go mbeadh sí ann – ba cheart go mbeadh an dá theanga chomh feiceálach agus chomh soiléir lena chéile. Tá Gaillimh le Gaeilge sásta moltaí a thabhairt do bhialanna maidir le leagan amach agus méid na Gaeilge atá oiriúnach dá mbiachlár.

 

Ag tosnú amach

Cuireann Gaillimh le Gaeilge seirbhís aistriúcháin ar fáil tríd an scéim ‘Cairde Ghaillimh le Gaeilge’ – tá sonraí maidir le bheith i do Chara ach gliogáil anseo.  Chun labhairt linn faoin nGaeilge a úsáid i do bhialann, glaoigh orainn ag (091) 568876 nó seol ríomhphost chuig eolas@gleg.ie.